टीकापुर घटनाबारे छानविन गर्न पाँच सदस्यीय समिति गठन

८ भदौ, काठमाडौं । सरकारले कैलालीको टीकापुरमा भएको घटनाबारे छानविन गर्न पाँच सदस्यीय समिति गठन गरेको छ ।

मंगलबार बसेको मन्त्रिपरिषद् बैठकले राष्ट्रिय अनुसन्धान विभागका पूर्व प्रमुख देविराम शर्माको अध्यक्षतामा समिति गठन गरेको हो । समितिमा एआईजी जीवन थापा र प्रताप थापा, राष्ट्रिय अनुसन्धान विभागका गणेश अधिकार र गहृ मन्त्रालयका सहसचिव विनोद केसी छन् ।

मन्त्रिपरिषद् बैठकले घटनामा ज्यान गुमाएका सुरक्षाकर्मीको उच्च मूल्यांकन गर्दै मरणोप्रान्त एक तह बढुवा गरी सम्मान गर्ने निर्णय गरेको सरकारका प्रवक्ता मिनेन्द्र रिजालले बताए ।

थारू समुदायको आन्दोलनका क्रममा सोमबार टीकापुरमा भएको हिंसात्मक झडपमा एसएसपीसहित ७ सुरक्षाकर्मी र एक दुई वर्षे बालकको मृत्यु भएको थियो ।

बैठकले कैलाली टीकापुर घटना अमानवीय भएको भन्दै कानून विपरित जानेलाई कानुनी दायरमा ल्याउने निर्णय गरेको छ ।

साथै संयमता अपनाउन सबैलाई अपील गरेको छ । सञ्चार गृहलाई पनि संयमता अपनाउन भनिएको छ ।